Elikagaien gehigarria da berez elikagaia izan gabe eta inolako nutrizio-baliorik izan gabe elikagai eta edariei gehitzen zaien edozein substantzia, horien ezaugarri organoleptikoak aldatzeko edo ekoizte- zein kontserbatze-prozesuak hobetzeko. Substantzia hori, beraz, elikagaiaren osagai bihurtzen da.
27 mota desberdin esistitzen dira, beraien ezaugarrien arabera: koloratzaileak, kontserbatzaileak,….
SEGURTASUNA EBALUATZEA ETA BAIMENTZEA
Elikagaien gehigarri bat baimentzeko bere segurtasuna ebaluatu behar da. Ebaluazio hori Elikagaien Segurtasunerako Europako Agintaritzak (EFSA) egiten du, eta hiru baldintza bete behar ditu:
- beharrizan teknologiko nahikoa frogatu ahal izatea.
- proposatutako dosiek kontsumitzaileen osasunean inolako arriskurik ez eragitea.
- kontsumitzaileen artean gaizkiulerturik ez eragitea
Gidak
GEHIGARRIEN ADIERAZTEA
Elikagaien osagarri bihurtzen direnez, osagaiak dira, eta, ondorioz, elikagaien etiketan agertu behar dute.
Gehigarriak izendatzeko E hizkia eta jarraian 3 edo 4 digitu erabiltzen dira.
Etiketetan honela geri dira:
Lehenik E hizkia ageri da. Gehigarri batek E hizkia izateak bermatu egiten du gehigarri horri segurtasun kontrolak egin zaizkiola eta onetsi egin dela Europar Batasunean erabiltzea.
Jarraian 3 edo 4 digituak ageri dira:
-Lehenengo digituak gehigarriaren kategoria adierazten du:
E-1XX: koloratzaileak
E-2XX: kontserbatzaileak
E-3XX: antioxidatzaileak
E-4XX: egonkortzaileak, emulgenteak, lodigarriak, gelifikatzialeak eta emultsionatzaileak
E-5XX: azidotzaileak, azidotasun-zuzentzaileak eta antiaglomeratzaileak
E-6XX: zapore indartzaileak
E-9XX: edulkoratzaileak, bestelakoak
– Bigarren digituak gehigarriaren familiari egiten dio erreferentzia (koloratzailea baldin bada, kolorea adierazten du; antioxidatzailea bada, talde kimikoa).
– Gainerako digituek espezieari dagozkie, eta substantzia identifikatzeko balio dute.
Eguneratze data:
