Sorbatoak eta bentzoatoak (E 200-213, azido sorbikoa eta potasio sorbatoa; azido bentzoikoa eta bentzoatoak) arrain gazitu eta lehorretan erabil daitezke, gehienez 200 mg/kg-ko dosian (bakarrik edo konbinatuta), eta sulfitoak (E 220-228) Gadidae familiako arrain gazitu lehorretan, haiek ere gehienez 200 mg/kg-ko dosian. Hala ere, ez dago baimenduta sorbatoak, bentzoatoak edo sulfitoak gehitzea bakailao gezatuari.

 

Gerta liteke gehigarri horiek dituen bakailao gezatua aurkitzea, baina ez zuzenean gehitu direlako, baizik eta azken produktuaren transferentzia-printzipioagatik, baldin eta osagaietako bat bakailao gazitua bada.

 

Hori dela eta, AESANek interpretazio-ohar bat argitaratu du, bakailaoz egindako bi produktu-motetan (bakailao gezatu edo gatz-puntuko bakailao gisa merkaturatuak, lehengaiaren jatorriaren arabera) gehigarrien erabilera argitzeko:

 

Jatorria bakailao gazitu lehorra bada:

Bakailao gazitu lehorra arrantza-produktu landua da, eta, elikagai-gehigarriei buruzko 1333/2008 (EE) Erregelamenduaren arabera, sorbatoak eta bentzoatoak erabil daitezke. Hortaz, bakailao gazitu lehorrez egindako bakailao gezatuan sorbatoak, bentzoatoak eta sulfitoak egon daitezke Erregelamendu horren Transferentzia-printzipioari buruzko 18. artikuluaren arabera, lehengaietan erabiltzen baitira.

 

Jatorria bakailaoa (freskoa edo izoztua) bada:

Bakailao hori arrantza-produktu ez landua da (gatzun-soluzioa injektatu zaion bakailao freskoa, hoztua edo izoztua); beraz, 1333/2008 (EE) Erregelamenduaren arabera, ezin da sorbatorik, bentzoatorik eta sulfitorik erabili.

Interpretazio-oharra: Gehigarriak bakailaoz egindako produktuetan