Arauan substantzia berriak daude eta dagoeneko badaudenen zerrenda eraldatuko duen prozedura arautzen du

Elikagaiak egiteko eta lortzeko prozesuetan erabilitako laguntzailekide teknologikoak arautzen dituen 773/2023 Errege Dekretuaren xedea da oinarrizko araudia ezartzea laguntzailekide teknologikoen eta laguntzailekide horiei ezartzeko nortasun- eta araztasun-irizpideen oinarrizko araudia, horiek erabiltzeko baldintzak eta horien etiketetan agertu beharreko aipamenak ezartzea.

 

Laguntzailekide teknologikoak funtsezko substantziak dira elikagaiak egiteko, nahiz eta gehigarriak, entzimak eta elikagai-aromak ez bezala, azkeneko produktuan eraginik ez izan eta azkeneko produktu horretan ez egon. Xede teknologikoarekin baino ez dira erabiltzen, elikagaiak ekoizterakoan.

 

Errege Dekretu horrek arau bakarrean sartzen ditu gaur egun baimenduta dauden laguntzailekide teknologikoak, orain arte 20 arau sektorialetan banatuta zeudenak.

 

Arauan baimendutako substantzia berriak ere badaude eta baimendutako laguntzailekideen zerrenda aldatzeko ezarriko den prozedura arautzen du. Gainera, Europar Batasunean laguntzailekide teknologikoen araupetze harmonizaturik ez dagoenez, substantzia horien espezifikazioei eta etiketatzeari buruzko xedapenak bateratu dira, horien segurtasuna, identifikazio zuzena eta erabilera bermatzeko.

 

Errege Dekretu hori ezarriko den esparruan sartutako elikagaien zerrenda:

 

  1. Mahaiko olibak.
  2. Pattar konposatuak, likoreak, oinarrian ardorik ez duten aperitiboak eta alkohol naturaletatik eratorritako beste edari batzuk.
  3. Ur mineral naturalak eta iturburuko urak.
  4. Prestatutako urak.
  5. Azukreak.
  6. Azukreak-beste azukre batzuk.
  7. Edari freskagarriak.
  8. Zefalopodoak.
  9. Garagardoak.
  10. Landare-kontserbak.
  11. Fruta eta barazki freskoak eta izoztuak.
  12. Gantz jangarriak (animalienak, landareenak eta anhidroak), margarinak, minarinak eta prestakin koipetsuak.
  13. Hemoeratorriak.
  14. Txufa-hortxata.
  15. Behikien hezurrak, tripakiak eta tripa naturalak.
  16. Jarabeak.
  17. Ogi eta ogi bereziak.
  18. Konfiteria, pastelgintza, opilgintza, gozogintza eta gailetagintzako produktuak.
  19. Gazta.
  20. Sagardoak eta sagarrarekin egiten diren beste edari batzuk.
  21. Ozpinak.
  22. Fruten zukuak eta antzeko beste produktu batzuk.
  23. Mahatsaren zukua.
  24. Beste landare (barazki) batzuen zukuak eta horien eratorriak.
Elikagaiak egiteko eta lortzeko prozesuetan erabilitako laguntzailekide teknologikoak arautzen dituen 773/2023 Errege Dekretua